Малайзия Элчиси билан учрашув

2020 йилнинг 23 ноябрь куни Академия раҳбарияти Малайзиянинг Ўзбекистондаги Фавқулодда ва Мухтор Элчиси жаноб Хенди Ассан билан учрашув бўлиб ўтди.

Музокаралар доирасида томонлар Малайзия коррупцияга қарши Академияси билан ўзаро ҳамкорлик қилиш, қўшма тренинглар ташкил этиш, шунингдек ҳуқуқий ҳамкорлик соҳасида Ўзбекистон Республикаси Ҳукумати ва Малайзия Ҳукумати ўртасида Англашув меморандумида белгиланган малака ошириш ва тажриба алмашиш борасидаги қоидаларини амалга ошириш муҳокама қилинди.

Томонлар муҳокама этилган лойиҳаларнинг амалга оширилиши юзасидан ўзаро келишувга эришиб, ўзаро манфаатли соҳаларда бошқа масалаларда кўмаклашишга тайёрликларини билдирдилар.