Жамиятдаги виктимлаштириш ҳолатини ўрганиш бўйича қўшма лойиҳани амалга ошириш ишлари

“Фарғона водийсида ёшлар ижтимоий уйғунлик учун” лойиҳасини амалга ошириш доирасида виктимлаштириш тадқиқотини ўтказишда ҳамкорлик қилиш учун буюртма тақдим этган компаниялар, Бош прокуратура Академияси ҳамда БМТ ГЖБнинг Марказий Осиёдаги Минтақавий ваколатхонаси вакиллари, халқаро ва маҳаллий экспертлар иштирокида видеоконференцалоқа воситасида тендеролди учрашуви бўлиб ўтди.

Учрашув давомида ариза команиялар тақдим этган таклифлари кўриб чиқилди, уларга тендер ўтказиш талаблари ва унда иштирок этиш учун зарур бўлган ҳужжатлар ҳақида маълумот берилди.

Бундан ташқари, маҳаллий экспертлар, шунингдек, виктимология соҳаси мутахассислари – Тилбург университети профессорлари Ян Ван Дейк ҳамда Джон Ван Кастеринглар томонидан компаниялар вакилларига қатор тавсия ва таклифлар билдирилиб, тендер ўтказиш бўйича уларни қизиқтирган барча саволларга жавоб берилди.