Жиноий фаолиятдан олинган даромадларни легаллаштириш ва терроризмни молиялаштиришга қарши курашишнинг долзарб масалалари муҳокама қилинди

Бош прокуратура Академиясида “Жиноий фаолиятдан олинган даромадларни легаллаштириш ва терроризмни молиялаштиришга қарши курашишнинг долзарб масалалари” мавзусига бағишланган давра суҳбати ўтказилди.

Давра суҳбатида Олий суд, Бош прокуратура, ДХХ, Адлия вазирлиги, ИИВ, Молия вазирлиги, Монополияга қарши курашиш қўмитаси, Давлат солиқ ва божхона қўмиталари, Бош прокуратура ҳузуридаги Мажбурий ижро бюроси ва Иқтисодий жиноятларга қарши курашиш департаменти, Марказий банк ҳамда Капитал бозорини ривожлантириш агентлигининг масъул ходимлари иштирок этишди.

Давра суҳбатида Ўзбекистон Республикасининг жиноий фаолиятдан олинган даромадларни легаллаштириш ва терроризмни молиялаштиришга қарши курашиш миллий тизимини ўзаро баҳолаш доирасида олиб борилаётган тайёргарлик тадбирлари, жиноий фаолиятдан олинган даромадларни легаллаштиришга, терроризмни молиялаштиришга қарши курашиш бўйича идоралараро комиссия томонидан қўйилган вазифалар ижроси, крипто-активлар билан боғлиқ ҳуқуқбузарликларни фош этиш, параллел молиявий терговни амалга ошириш ва бошқа масалалар муҳокама қилинди.