Ҳудудларда эксперт-таҳлил гуруҳлари фаолиятини методик таъминлаш ишлари давом этмоқда

Бош прокуратура Академияси Жиноятларнинг содир этилиши сабабларини тизимли таҳлил қилиш ва ўрганиш маркази томонидан Ўзбекистон Республикаси Президентининг 2018 йил 31 октябрдаги “Жиноий-ҳуқуқий статистика тизимини тубдан такомиллаштириш ва жиноятларни тизимли таҳлил қилиш самарадорлигини ошириш чора-тадбирлари тўғрисида”ги ПФ–5566-сон Фармонида белгиланган эксперт-таҳлил гуруҳлар фаолиятини ўрганиш мақсадида Андижон вилоятига сафар амалга оширилди.

Жойларда амалга оширилган ишлар давомида Академия туманлар ва Андижон шаҳар эксперт-таҳлил гуруҳлари вакиллари билан биргаликда криминоген вазият ўрганилди ва ҳудуддаги жиноятчилик таҳлили методикаси муҳокама қилинди. Баданга оғир тан жароҳати етказиш, босқинчилик ва фирибгарлик сингари алоҳида жиноят турларининг ўсиб бориш сабаблари таҳлил қилинди.

Ўрганишлар натижасида муаммоли масалалар белгилаб олинди ва эксперт-таҳлил гуруҳлари фаолиятининг биринчи даражали йўналишлари муҳокама қилиниб, улар фаолиятини такомиллаштириш бўйича методик ва амалий тавсиялар берилди.