“Тизимли таҳлил ва танқидий фикрлаш” мавзусида масофавий малака ошириш курси ташкил этилди

Бош прокуратура Академияси томонидан прокуратура органларининг ташкилий-назорат ва таҳлил фаолиятига масъул ходимлари иштирокида “Тизимли таҳлил ва танқидий фикрлаш” мавзусида масофавий малака ошириш курси ташкил этилди.

Курс дастури тизимли ёндашув ва тизимли таҳлил, танқидий фикрлаш ва аргументлаш ҳамда прокуратура органлари фаолиятида ҳуқуқий таҳлил каби масалалар бўйича ўқув модулларидан иборат бўлиб, асосий эътибор ходимларда тизимли тафаккур, танқидий ва таҳлилий фикрлашни шакллантиришга қаратилди.    

Курс машғулотлари тизимларни моделлаштириш, ахборотни танқидий баҳолаш ва таҳлил қилиш, аргументланган ёзма нутқни тайёрлаш, қонунийлик ва жиноятчилик ҳолатини таҳлил қилишга доир қатор амалий вазифа ва топшириқларни бажариш орқали тингловчиларда таҳлилий кўникмаларни шакллантиришга хизмат қилди. 

Шунингдек, курс доирасида “Ижтимоий тизимлар ва уларни бошқариш” ҳамда “Ҳуқуқий соҳадаги таҳлилнинг ўзига хос хусусиятлари” мавзуларида синхрон ўқув машғулотлари ташкил этилди.

Ўқув курсини якунига кўра тингловчиларга сертификатлар тақдим этилди.