Академия таянч докторанти диссертациясининг ҳимояси бўлиб ўтди

Ўзбекистон Республикаси Бош прокуратураси Академияси ҳузуридаги илмий даражалар берувчи Илмий кенгаш мажлисида Академия таянч докторанти Бобур Мирзо Исмоиловнинг “12.00.07 – Суд ҳокимияти. Прокурор назорати. Ҳуқуқий муҳофаза қилиш фаолиятини ташкил этиш. Адвокатура” ихтисослиги бўйича “Коррупцияга қарши курашиш соҳасидаги қонунчилик устидан прокурор назоратини такомиллаштириш” мавзусидаги юридик фанлар бўйича фалсафа доктори (PhD) илмий даражасини олиш учун ёзилган диссертацияси ҳимояси бўлиб ўтди.

Б.Исмоилов томонидан коррупцияга қарши курашиш соҳасидаги қонунчилик устидан прокурор назоратини назарий-ҳуқуқий асослари, тадрижий ривожланишини ва амалиётдаги муаммоларни бартараф қилиш юзасидан ўтказилган таҳлиллар натижасида тадқиқот иши доирасида назарий, амалий-ташкилий ва қонунчиликни такомилаштиришга қаратилган таклиф, тавсия ва хулосалар ишлаб чиқилди.

Илмий Кенгаш иштирокчилари томонидан мазкур илмий иш бир овоздан ижобий деб баҳоланиб, Б.Исмоиловнинг диссертацияси тугалланган деб ҳисобланиб, юридик фанлари бўйича фалсафа доктори (PhD) илмий даражасини бериш юзасидан Вазирлар Маҳкамаси ҳузуридаги Олий аттестация комиссиясига ҳужжатларни тақдим этиш юзасидан қарор қабул қилинди.

Академия жамоаси Б.Исмоиловни диссертацияни муваффақиятли ҳимоя қилганлиги билан табриклайди ва келгусидаги илмий ва касбий фаолиятида улкан зафарлар тилайди!