Жиноий фаолиятдан олинган даромадларни легаллаштириш ва терроризмни молиялаштириш хавфларини аниқлаш масалалари бўйича минтақавий тренинг

Академия томонидан БМТнинг Наркотиклар ва жиноятчиликка қарши курашиш бўйича бошқармасининг Марказий Осиёдаги минтақавий ваколатхонаси ва Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти билан ҳамкорликда АҚШнинг Ўзбекистондаги элчихонаси кўмагида 2020 йил 11-14 февраль кунлари “Жиноий фаолиятдан олинган даромадларни легаллаштириш ва терроризмни молиялаштириш хавфларини аниқлаш: молиявий маълумотларнинг стратегик таҳлили” мавзусида минтақавий тренинг ўтказилди.

Тренингда Беларусь, Қозоғистон ва Украинадан халқаро экспертлар, Бош прокуратура ҳузуридаги Департамент ва Марказий банк вакиллари, шунингдек Академиянинг профессор-ўқитувчилари иштирок этдилар.

Тадбир давомида стратегик таҳлилни амалга ошириш, устувор йўналишларни аниқлаш, режалаштириш ва вазифаларни белгилаш, жиноий фаолиятдан олинган даромадларни легаллаштириш ва терроризмни молиялаштириш билан боғлиқ шубҳали фаолият типологиялари каби масалалар ўрганилди.

Тренинг якунлари бўйича иштирокчиларга сертификатлар топширилди.