Мажбурий ижро бюроси органлари ходимлари учун мурожаатлар билан ишлашнинг долзарб масалалари мавзусида ўқув курси

Бош прокуратура Академиясида Бош прокуратура ҳузуридаги Мажбурий ижро бюросининг мурожаатлар билан ишлаш бўйича масъул ходимлари иштирокида “Бюро органларида жисмоний ва юридик шахслар мурожаатлари билан ишлашнинг долзарб масалалари” мавзусида малака ошириш курси якунланди. 

Мазкур ўқув курси дастури Бюро ходимларининг жисмоний ва юридик шахсларнинг мурожаатларини кўриб чиқиб, ҳал қилиш, фуқаролар қабулини ташкил этиш, шунингдек, фуқаролар билан самарали мулоқотни ташкил этиш  ҳамда мураккаб вазиятларда тезкор қарор қабул қилиш кўникмаларини ривожлантиришга қаратилди.

Ўқув курси доирасида тингловчилар учун Ўзбекистон Республикаси Президентининг Халқ қабулхоналарида, шунингдек Бош прокуратуранинг Мурожаатларни телефон орқали қабул қилиш марказида сайёр машғулотлар ташкил этилди.