Маҳаллалардаги криминоген вазиятни ўрганиш бўйича сайёр фаолият давом этмоқда

Ҳуқуқбузарликлар профилактикасини илмий-методик таъминлаш бўйича фаолият доирасида Академия ходимлари маҳаллалардаги криминоген вазиятни чуқур ўрганишни амалга оширмоқдалар. Навбатдаги сайёр ўрганиш Қашқадарё вилоятининг Муборак тумани “Ёшлик” маҳалла фуқаролар йиғини профилактика инспектори ҳамда фаоллари билан олиб борилди.

Хусусан, 2020 йилда содир этилган 19 турдаги жиноятларнинг келиб чиқиш сабаблари таҳлил қилиниб, унинг якунига кўра жиноятчиликнинг барвақт олдини олиш ҳамда ушбу ҳудудларда барқарор вазиятни таъминлаш бўйича мақсадли чора-тадбирлар дастури ишлаб чиқилди;

Шунингдек, аҳоли муаммолари ўрганилиб, маҳалла ҳудудидаги кўп қаватли уйлар атрофини ёритишда, шунингдек “Аёллар дафтари”га киритилган бир гуруҳ хотин-қизларнинг ишга жойлашишида кўмак берилди.

Муборак туманидаги деҳқон бозори ва буюм бозори ҳудудида савдо-сотиқ ва хизмат кўрсатиш билан шуғулланувчи тадбиркорлар билан профилактик суҳбат ўтказилди.

Мазкур фаолият республиканинг барча ҳудудларида тизимли равишда амалга оширилмоқда.