Аудиторлик ташкилотлари ҳамда суғурта агентликларининг ички назорат хизмати ходимлари учун масофавий малака ошириш курси бошланди

Бош прокуратура Академиясида аудиторлик ташкилотлари ҳамда суғурта агентликларининг масъул ходимлари учун “Жиноий фаолиятдан олинган даромадларни легаллаштириш ва терроризмни молиялаштиришга қарши курашишни ташкил этиш” мавзусидаги масофавий малака ошириш курси бошланди.

Курс дастури жиноий даромадларни легаллаштириш ва тероризмни молиялаштиришни аниқлаш ва тушуниш, жиноий даромадларни легаллаштириш ва терроризмни молиялаштиришга  қарши курашишнинг халқаро тизими ҳамда мақсадли молиявий санкцияларни қўллаш каби масалаларни қамраб олган.

Курс машғулотлари доирасида шунингдек жиноий фаолиятдан олинган даромадлар ва терроризмни молиялаштириш хавфларини секторлар ва миллий даражада баҳолашни ўтказиш масалалари,   жиноий даромадларни легаллаштириш ва терроризмни молиялаштиришга қарши курашиш миллий тизими фаолияти хусусиятларига оид машғулотлар ўрин олган.

Мазкур малака ошириш курси тингловчиларда ички назорат хизмати тизимини ташкил этиш, секторлар хавфлари даражасини баҳолаш ва аниқлашни, шунингдек махсус ваколатли давлат органига хабар қилиниши лозим бўлган операцияларни аниқлашга оид амалий кўникмаларни ривожлантиришга қаратилган.