Академиянинг янги “ProAcademy” электрон журнали фаолиятига оид семинар-тренинг

Бош прокуратура Академиясида янги “ProAcademy” электрон журналининг имкониятлари, шунингдек илмий нашрларни тайёрлаш тартиби билан танишиш мақсадида онлайн семинар-тренинги бўлиб ўтди.

Тадбирда мақола муаллифларини рўйхатдан ўтказиш, мақолаларни тақдим этиш, уларни индексация қилиш, “ProAcademy” электрон журналига мақолаларни юборишда идентификация рақамларини кўрсатиш ва жойлаштириш тартиби бўйича батафсил маълумот берилди.

Маълумки, Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсатининг 2020 йил 30 июлдаги 283/7.1-сон қарорига асосан, Бош прокуратура Академиясининг “ProAcademy” (https://uzjournals.edu.uz/proacademy/) электрон журналида чоп этилган илмий мақолалар хорижий илмий нашрларда чоп этилган илмий мақолаларга тенглаштирилган.

“ProAcademy” илмий журналига киритилган мақолалар халқаро стандартларга мослаштирилган бўлиб, икки босқичли аноним тақриздан (double-blind peer review) ўтказилади.