Беларусь Республикаси Ички ишлар вазирлиги Академияси делегациясининг ташрифи

2021 йил 26 май куни Белорусия Республикаси Ички ишлар вазирлиги Академияси раҳбарининг илмий ишлар бўйича ўринбосари П.Гридюшко бошчилигидаги Белорусия Республикаси ИИВ Академияси делегациясининг Ўзбекистон Республикаси Бош прокуратураси Академиясига ташрифи бўлиб ўтди.

Делегация таркибида шунингдек жиноятларни тергов қилиш кафедраси бошлиғи Т.Шчерба, маъмурий фаолият кафедраси бошлиғи С.Добриян, иқтисодий хавфсизлик кафедраси бошлиғи О.Марков, шунингдек халқаро ҳамкорлик бўлими бошлиғи М.Барсуковалар ташриф буюрдилар.

Учрашув давомида Белоруссия делегацияси вакилларига Академия фаолияти, шу жумладан, ўқув жараёни ва прокуратура ва тергов амалиётининг ўзига хос хусусиятлари, прокурорлар ва терговчиларни тайёрлаш, қайта тайёрлаш ва малакасини оширишнинг ўзига хос хусусиятлари тўғрисида батафсил маълумотлар берилди ҳамда ўзаро манфаатли йўналишлар бўйича ҳамкорликнинг қатор масалалари муҳокама қилинди.

Учрашув якунлари бўйича белгиланган йўналишлар бўйича ҳамкорликда фаолият юритишни давом эттиришга келишиб олинди.