Бош прокуратура Академияси илмий-таълим салоҳиятини юксалтириш мақсадида халқаро ҳамкорликни кенгайтириш

Бош прокуратура Академияси томонидан етакчи хорижий илмий-таълим муассасалари ва таҳлилий марказлар билан Академия салоҳиятини юксалтириш, таълим сифатини ҳамда илм-фан, таълим ва амалиётнинг уйғунлигини таъминлаш мақсадида ўзаро ҳамкорлик алоқалари йўлга қўйилиб, тобора мустаҳкамланиб бормоқда.

Ўзбекистон Республикаси Бош прокуратураси Академияси ташкил этилганлигининг 3 йиллигига бағишланган “Замонавий юридик фан ва таълим: долзарб муаммолар ва уларни ҳал этиш йўллари” мавзусида ўтказилган халқаро илмий-амалий онлайн конференция доирасида ҳам ўзаро ҳамкорлик тўғрисидаги битимлар видеоконференцалоқа режимида имзоланди.

Хусусан, замонавий шароитда таълим жараёнини ташкил қилишдаги муаммолар муҳокамасига бағишланган ялпи сессия доирасида Бош прокуратура Академияси бошлиғи ва Россия Федерацияси Тергов қўмитаси Санкт-Петербург академияси ректори томонидан илмий ва таълим соҳаларида ҳамкорликни амалга ошириш ҳақида битим имзоланди.

Шунингдек, Беларусь Республикаси Тергов қўмитасининг қайта тайёрлаш ва малака ошириш Институти билан ҳамкорлик тўғрисидаги битим имзоланди.

Мазкур ҳужжатларнинг имзоланиши прокурор-тергов ходимларини тайёрлаш, қайта тайёрлаш ва малакасини оширишда ҳамкорликни янада кенгайтиришга хизмат қилади.