Иқтисодий жиноятларга қарши курашиш департаменти ходимлари учун малака ошириш курси якунланди

Бош прокуратура Академиясида Иқтисодий жиноятларга қарши курашиш департаментининг тафтишчилари учун қисқа муддатли малака ошириш курси ниҳоясига етди. 

Ўқув курси дастуридан тафтишни ташкил этиш ва амалга ошириш, солиқдан қочиш схемалари ва уларни бартараф этиш йўллари, бюджет маблағларидан мақсадли, оқилона ҳамда самарали фойдаланилиши устидан назоратни амалга ошириш, жиноий фаолиятдан олинган даромадларни легаллаштириш ва терроризмни молиялаштиришга қарши курашиш масалалари бўйича назарий ва амалий машғулотлар ўрин олган. 

Ўқув машғулотларига Академия профессор-ўқитувчилари билан бир қаторда Бош прокуратура ҳузуридаги иқтисодий жиноятларга қарши курашиш Департаменти, Давлат солиқ қўмитаси, Ҳисоб палатаси ва Давлат солиқ қўмитаси ҳузуридаги Фискал институтнинг тажрибали мутахассислари жалб қилинган.