“Прокурорлар малака ошириш тизими: ўтмиш сабоқлари ва замонавий тенденциялар” халқаро илмий-амалий конференция

Бош прокуратура Академиясида “Прокурорларнинг малака ошириш тизими: ўтмиш сабоқлари ва замонавий тенденциялар” мавзусида халқаро илмий-амалий онлайн конференция бўлиб ўтди.

Конференция ишида Россия Федерацияси прокуратураси университети, Беларусь Республикаси Бош прокуратураси қонун устуворлиги ва ҳуқуқ-тартиботни мустаҳкамлаш муаммолари илмий-амалий маркази, Қозоғистон Республикаси Бош прокуратураси қошидаги ҳуқуқни муҳофаза қилувчи органлар Академияси, Ўзбекистон Республикаси жамоат хавфсизлиги университети, Ички ишлар вазирлиги академияси, Ўзбекистон Халқаро ислом академиясининг ходимлари, профессор-ўқитувчилар, мустақил изланувчилар ва докторантлар иштирок этдилар.

Конференция иши прокуратура органлари ходимларининг профессионал малака ошириш тизимининг пайдо бўлиш ва унинг шаклланиш динамикасини ўрганиш, ушбу йўналишдаги олиб борилган ишларнинг тарихий жабҳаларини таҳлил қилиш ҳамда бу борада йўл қўйилган хато ва камчиликлардан ҳозирги кун нуқтаи назаридан тўғри хулосалар қилишга йўналтирилган.

Тадбирда миллий ва халқаро экспертлар прокуратура-тергов ходимларини касбий тайёрлаш ва малака ошириш тизими тарихи ва замонавий тенденцияларига оид ўзларининг тажрибалари билан ўртоқлашдилар.

Конференция баҳс-мунозалар тарзида давом этди, иштирокчилар ўзларини қизиқтирган саволларга жавоб олдилар.