Жиноятчилик ҳолатини тизимли ўрганиш соҳасида халқаро семинар

Бош прокуратура Академияси томонидан Япония Адлия вазирлиги билан ҳамкорликда жиноятлар сабабларини таҳлил қилиш ва уларни ҳисобга олишнинг долзарб масалаларига бағишланган онлайн режимида халқаро семинар ташкил этилди.

Семинарда республикамизнинг олий юридик таълим муассасалари ходимлари ва талабалари иштирок этди.

Семинарда Япония Кейо Университети профессори, Япония виктимология ассоциацияси президенти, Осиё жиноят қурбонларига ёрдам бериш фонди бошқарув кенгаши аъзоси Тацуя Ота маъруза қилиб, Япониянинг виктимизация бўйича тадқиқотлар ўтказиш тажрибаси ҳамда латент жиноятларга қарши курашиш тизими тўғрисида тўхталиб ўтилди.

Семинар давомида иштирокчилар ўзлари қизиқтирган саволларга жавобларни олдилар.