Xalqaro Qizil Xoch Qo‘mitasi vakillari bilan uchrashuv

Akademiyada Bosh prokuratura Akademiyasi rahbariyatining Xalqaro Qizil Xoch Qo‘mitasi (XQXQ) vakillari, xususan, delegatsiya rahbari o‘rinbosari Yu.Shafarenko, delegatsiya rahbari yordamchisi I.Borisova va yurist M.Aminovlar bilan uchrashdi.
Uchrashuv COVID-19 pandemiyasi bilan bog‘liq tanaffusdan so‘ng o‘zaro aloqalarni qayta tiklash maqsadida tashkil etildi.
Tomonlar avvalroq belgilangan rejalarni amalga oshirishni muhokama qildilar, shuningdek, huquqni muhofaza qilish sohasida kadrlar tayyorlash bo‘yicha, ilmiy-tadqiqot va ta’lim salohiyatini oshirish sohasida yangi vazifalarni belgilab oldilar.
Uchrashuv konstruktiv ruhda o‘tdi, har ikki tomon hamkorlikni rivojlantirishni davom ettirishga tayyor ekanligini bildirdi.