Аkademiya Kengashining birinchi yigʼilishi oʼtkazildi

2022 йил 31 январь куни Ҳуқуқни муҳофаза қилиш академияси Кенгашининг биринчи мажлиси бўлиб ўтди.

Мажлисда Академиянинг 2022 йил иккинчи ярмида кадрларни тайёрлаш, қайта тайёрлаш ва уларнинг малакасини оширишнинг замонавий тизимини яратиш, фаолиятни илмий-методик ва психологик жиҳатдан таъминлаш ҳамда бошқа соҳалардаги фаолияти таҳлил қилиниб, келгусидаги вазифалар белгилаб олинди.

Шунингдек, мажлис кун тартибидан Академияда ишлаб чиқилган ходимларнинг фаолияти самарадорлигини баҳолаш услубиётлари муҳокамаси, Академиянинг магистратура йўналишидаги тингловчиларининг диссертация мавзуларини кўриб чиқиш ва тасдиқлаш, магистратура йўналишидаги тингловчиларининг ўқув йилининг иккинчи семестрида Швециянинг Лунд университетида таҳсил олиши масалалари ўрин олди.

Академиянинг 2023 йилнинг 1-ярмига мўлжалланган иш режасида белгиланган вазифалар кўриб чиқилиб, тадбирларнинг муддатида, сифатли ва тўлиқ бажарилиши лозимлиги, бунда тегишли тармоқ раҳбарлари шахсан масъул эканлиги кўрсатиб ўтилди.

Шу билан биргаЎзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон Фармони билан тасдиқланган Ўзбекистон Республикаси Ҳуқуқни муҳофаза қилиш академиясининг фаолиятини самарали ташкил этиш бўйича “Йўл харитаси”да белгиланган вазифаларнинг ижросига оид масалалар муҳокама қилинди.

Мажлис кун тартибидаги барча масалалар бўйича тегишли қарорлар қабул қилинди.