Профессор-ўқитувчиларнинг педагогик маҳоратини ошириш бўйича навбатдаги семинар-тренинг

Ҳуқуқни муҳофаза қилиш академиясида профессор-ўқитувчиларнинг педагогик маҳоратини ошириш, таълим жараёнига инновацион технологиялар ва методикаларни жорий этиш мақсадида изчил ва тизимли ишлар олиб борилмоқда.

Мазкур фаолият доирасида Академияда Тошкент давлат юридик университети профессори, ю.ф.д. О.Нарзуллаев иштирокида “Талабалар билимини баҳолашда очиқлик, шаффофлик, ҳалоллик ва адолатни таъминлаш мезонлари” мавзусида навбатдаги семинар-тренинг ташкил этилди.

Семинар-тренингда  талабалар билимини баҳолашда  эътибор қаратилиши лозим бўлган жиҳатлар, баҳолашда аниқлик, ҳаққонийлик, ишончлилик, шаффофликни таъминлаш масалалари ҳамда талабалар билимини холис ва адолатли баҳолаш нималарга этибор бериш кераклиги юзасидан тушунчалар бериб ўтилди.

Шунингдек, талабалар билим, кўникма ва малакаларни шакллантириш мезонлари  ҳамда талабалар томонидан бажарилган назорат ишларида плагиатни олдини олиш учун қандай чоралар кўриш кераклиги ҳақида маъруза қилинди.

Семинар-тренинг сўнгида мавзу юзасидан иштирокчиларни қизиқтирган саволларга батафсил жавоб берилди.