Yoshlarni sport orqali sog‘lom turmush tarziga jalb qilish tadbirlari

Yoshlarni ijtimoiy moslashtirish va qayta tarbiyalash dasturi doirasida O‘zbekiston Respublikasi Huquqni muhofaza qilish akademiyasi tomonidan O‘zbekiston Respublikasi Qurolli kuchlar akademiyasi bilan hamkorlikda sport tadbiri o‘tkazildi.

Ushbu tashabbus o‘smir va yoshlarni faol sport jarayonlariga jalb qilishga, ularga sog‘lom turmush tarzi, jamoaviy ruh va o‘z-o‘zini rivojlantirishga intilish kabi qadriyatlarni singdirishga qaratilgan. Tadbir ishtirokchilari sport musoboqasida o‘zlarining imkoniyatlarini namoyon etishdi hamda jismoniy holatlarini mustahkamlash va qiyinchiliklarni yengishni o‘rganish kabi fazilatlarini shakllantirishdi.

Yozning issiq ob-havosiga qaramay, yoshlar basketbol va voleybol o‘yinlarida yuqori darajadagi tayyorgarlik, g‘alabaga intilish va haqiqiy sport xarakterini namoyish etdilar. Sport maydonchasida do‘stona raqobat va o‘zaro qo‘llab-quvvatlash kun davomida hukm surdi.

Huquqni muhofaza qilish akademiyasi va Qurolli kuchlar akademiyasi sportni yosh avlodni tarbiyalash va qo‘llab-quvvatlashning samarali vositasi sifatida qo‘llagan tarzda yoshlarni ijtimoiy moslashtirish sohasida faol hamkorlikni davom ettiradi.