Navbatdagi amaliy mahorat darslari o‘tkazildi

Akademiyada talabalarni huquqni muhofaza qiluvchi organlarning ta’lim muassasalari professor-o‘qituvchilari hamda amaliyotchi-harbiy xizmatchi (xodim)lari bilan hamkorlikda kasbiy tayyorgarligi bo‘yicha bilim, ko‘nikma va malakalarini shakllantirish va rivojlantirishga, ularni kelgusi xizmat faoliyatiga tayyorlashga alohida e’tibor berilmoqda.

Hususan, o‘quv reja va dasturlarga muvofiq “Harbiy va jismoniy tayyorgarlik” moduli doirasida “Saf tayyorgarligi” fanining ilk mashg‘uloti “Qurolsiz bajariladigan saf amallari va harakatlari” mavzusida 1-kurs talabalari bilan ushbu sohani asl mutaxassislari – O‘zbekiston Respublikasi Milliy gvardiyasining Faxriy qorovul bataloni harbiy xizmatchilari ishtirokida amaliy mahorat darsi tarzida o‘tkazildi.

Mashg‘ulotning kirish qismida harbiy xizmatchilar saf tayyorgarligi bo‘yicha ko‘rgazmali chiqishlarini namoyish etdilar, keyin esa talabalar bilan qad rostlab turish, joyda turib burilishlar, harbiycha salom berish, safdan chiqish va safga qaytish, barabanlar sadosi ostida harakatlar va yurish davomida burilish kabi o‘quv savollari amaliy ko‘rib chiqildi.