BMT Bolalar jamg‘armasi (UNICEF) vakillari bilan uchrashuv

Akademiyada BMT Bolalar jamg‘armasi (UNICEF) O‘zbekistondagi vakolatxonasi Bolalarni muhofaza qilish bo‘limi boshlig‘i Antoniya Lyudeke va maslahatchi S.Axayeva bilan ishchi uchrashuv o‘tkazildi.

Uchrashuvda kelgusi yillarga mo‘ljallangan hamkorlik istiqbollari, shu jumladan qo‘shma loyihalarni amalga oshirish, o‘quv modullarini ishlab chiqish va treninglarni tashkil qilish, voyaga yetmaganlar tomonidan sodir etilgan jinoyatlarni tergov qilish, yuvenal yustitsiya bo‘yicha salohiyatni oshirish, qo‘shma tadqiqot loyihalarini amalga oshirishga qaratilgan tashabbuslarni amalga oshirish masalalarini muhokama qildilar.

Tashrif doirasida mehmonlar Akademiyaning yangi binosi va o‘quv infratuzilmasi bilan yaqindan tanishib chiqishdi.