Матбуот ва оммавий ахборот воситалари ходимлари куни билан! 

Ўзбекистон Республикаси Ҳуқуқни муҳофаза қилиш академияси жамоаси оммавий ахборот воситаларининг ижодкор ва фидойи ходимларини 27 июнь – Матбуот ва оммавий ахборот воситалари ходимлари куни муносабати билан самимий муборакбод этади.

Оммавий ахборот воситалари сўнгги йилларда юртимиз равнақи ва халқимиз фаровонлигини таъминлаш йўлидаги ислоҳотлар самарасини белгилаб берувчи муҳим омил бўлиб хизмат қилаётгани шубҳасиз.

Жамиятимизда қонун устуворлиги ва адолат тантанасини таъминлаш, ҳуқуқий маданият ва ҳуқуқий билимларни мустаҳкамлаш йўлида сиз, азизлар билан ҳамкорлигимиз биз учун муҳим ва қадрлидир.

Академия жамоаси юртимиздаги барча фидойи, холис, юрагида эл-юрт тақдирига дахлдорлик ҳисси кучли бўлган ижодкорлар учун доимо очиқ.Барчангизни касб байрамингиз билан яна бир бора қутлаб, сизларга сиҳат-саломатлик, ижодий фаолиятингизда янги ютуқлар, оилавий  бахт-саодат ва хонадонларингизга файзу барака тилаймиз.