«Yoshlar korrupsiyaga qarshi» Respublika ko'rik-tanlovi doirasidagi ko'rgazma

Korrupsiyaga qarshi kurashish bo'yicha Respublika idoralararo komissiyasi tomonidan BMT NJB va YEXHT ko'magida Xalqaro korrupsiyaga qarshi kurashish kuniga bag'ishlangan media-marafon haftaligi tashkillashtirildi.

Joriy yilning 10 dekabr kuni Yoshlar ijodiyot saroyida «Yoshlar korrupsiyaga qarshi» respublika ko'rik-tanlovi doirasida kollej (litsey) va oliy o'quv yurtlari talabalari tomonidan ijodiy ishlar ko'rgazmasi bo'lib o'tdi.

Ko'rgazmaning ochilish marosimida Akademiya rahbariyati o'z nutqi bilan so'zga chiqdi.

Tanlov natijalariga ko'ra quyidagi uchta yo'nalish bo'yicha g'oliblar aniqlanadi: «Eng yaxshi rasm», «Eng yaxshi plakat» va «Eng yaxshi insho».

Tanlov g'oliblari va sovrindorlarini taqdirlash marosimi joriy yilning 14 dekabr kuni bo'lib o'tadi.