“Виртуал активларни аниқлашнинг янги технологиялари, қўшма терговлар ва активларни қайтариш” вебинари АНОНСИ

Ўзбекистон Республикаси Ҳуқуқни муҳофаза қилиш академияси томонидан Ғарбий ва Марказий Осиё давлатларининг Активларни қайтариш бўйича идоралараро тармоғи (АРИН-WCА) Котибияти сифатида БМТнинг Гиёҳвандлик ва жиноятчилик бўйича бошқармасининг Минтақавий ваколатхонаси билан ҳамкорликда жорий йилнинг 25 ноябрь соат 14:00 да вебинарлар сериясининг навбатдаги 6-босқичи ўтказилади.

Вибинар Академия ташкил этилганининг уч йиллигига бағишланган академик декада доирасида “Виртуал активларни аниқлашнинг янги технологиялари, қўшма терговлар ва активларни қайтариш” мавзусида ўтказилади.

Тадбирда крипто-активлар ҳамда рақамли активларни қонунийлаштириш хавфлари бўйича эксперт Уилям Билл Спаркс ҳамда очиқ манбалар орқали разведка ва ахборот хавфсизлиги соҳасидаги эксперт Масич Метт Маковский ва бошқалар спикерлар сифатида виртуал активларни аниқлаш, ОСИНТ технологиялари, рақамли изларни кузатиш ва молиявий жиноятларни тергов қилишнинг замонавий усуллари ҳақида амалий маълумотлар каби тажрибалари билан ўртоқлашади.

Вебинарда ARIN-WCА тармоғига аъзо давлатлар – Ўзбекистон, Қозоғистон, Эрон, Қирғизистон, Покистон, Тожикистон ва Туркманистон ваколатли органлари, шунингдек бошқа хорижий давлатлар вакиллари иштирок этади.

Барчани вебинарда иштирок этишга таклиф қиламиз. Рўйхатдан ўтиш учун мана бу ҳавола орқали уланиш мумкин.

https://zoom.us/meeting/register/W8tO-i0VQ_SGdyEr2zOKZQ#/registration