O‘zbekiston Respublikasi Huquqni muhofaza qilish akademiyasi bakalavriatiga to‘lov-kontrakt asosida o‘qishga tavsiya etilgan hamda tabaqalashtirilgan to‘lov-kontrakt asosida o‘qish istagini bildirgan abituriyentlar tegishli to‘lovlarni 2026-yil 15-oktyabrga qadar amalga oshirishlari lozim.
To‘lov-kontrakt bo‘yicha murojaatlar tartibi:
To‘lov-kontrakt, shu jumladan tabaqalashtirilgan to‘lov-kontrakt bo‘yicha murojaatlar quyidagi tartibda qabul qilinadi:
1. Akademiyada – soat 09:00 dan 18:00 gacha:
- «60420300 – Tergov faoliyati» yo‘nalishi bo‘yicha;
- «60420100 – Yurispudensiya» yo‘nalishining masofaviy ta’lim shaklida ikkinchi va undan keyingi oliy ta’lim bo‘yicha.
Manzil: Toshkent shahri, Rixsiliy ko‘chasi, 9-uy.
«Yurispudensiya» yo‘nalishining masofaviy ta’lim shaklida ikkinchi va undan keyingi oliy ta’lim bo‘yicha o‘tish bali – 102,9 ball.
2. kontrakt.edu.uz portali orqali:
- «60420100 – Yurispudensiya» – kunduzgi ta’lim shakli;
- «60421600 – Kiberhuquq» – kunduzgi ta’lim shakli;
- «60420100 – Yurispudensiya» – masofaviy ta’lim shakli, ikkinchi va undan keyingi oliy ta’lim bundan mustasno.
2026/2027 o‘quv yili uchun bazaviy to‘lov-kontrakt qiymati
Bir yillik o‘qitish qiymati:
- kunduzgi ta’lim shaklida, stipendiyasiz – 20 100 000 so‘m;
- masofaviy ta’lim shaklida – 18 215 000 so‘m.
Tabaqalashtirilgan to‘lov-kontrakt miqdori bazaviy kontrakt qiymatidan farq qiladi va tegishli qabul shartlari asosida belgilanadi.
Qo‘shimcha ma’lumotlar Akademiyaning rasmiy veb-sayti hamda Facebook, Instagram va Telegram sahifalarida e’lon qilinadi.
Ma’lumot uchun telefonlar: +998 71 202 04 96 (ichki raqamlar: 1991, 1727); +998 94 004 02 49.
