Bosh prokuratura Akademiyasi joriy yilning 24-29 iyun kunlari viloyat prokuraturalari va ularga tenglashtirilgan prokuraturalarning jamoatchilik bilan aloqalar va huquqiy axborot bo'yicha katta yordamchilari uchun tashkil etilgan malaka oshirish kurslarini o'tkazdi.

Maqsad – haqqoniy va xolis axborotni tezkorlik bilan aholiga yetkazishning zarur instrumentlarini qo'llay bilish.

O'quv kurslari orqali tinglovchilarda quyidagi kompetentsiyalar shakllantirildi: internet materiallari bilan ishlash jarayonida veb-platformalarning o'ziga xos jihatlarini bilish; onlayn materiallarni tayyorlashda auditoriya ehtiyojlari va media odatlarini inobatga olish; tashkilotning media imidjini rivojlantirish; verbal va noverbal kommunikatsiyani 
o'rganish.

O'quv kurslariga Svetlana Artikova – Oliy Majlis Senati raisining o'rinbosari, Ilhom Abdullaev – Oliy Majlis Qonunchilik palatasi qo'mitasi raisi, Sherzod Qudratxo'jaev – xalqaro press-klub raisi, Jurnalistika va ommaviy kommunikatsiyalar universiteti rektori, Muattara Asqarova – O'zbekistonda xizmat ko'rsatgan jurnalist, Rasul Kusherbaev – Oliy Majlis Qonunchilik palatasi deputati jalb qilindilar.

Shuningdek, jurnalistika sohasidagi taniqli trenerlar – Beruniy Alimov, Gulmira Shukurova, Nozima Muratova, Gulnora Nishonova va Bosh prokuratura Akademiyasi o'qituvchilari shular jumlasidandir.

Mashg'ulotlar so'ngida tinglovchilarga sertifikatlar topshirildi.