Majburiy ijro byurosi davlat ijrochilari ishtirokidagi malaka oshirish kursi boshlandi

Бош прокуратура Академияси томонидан Мажбурий ижро бюросининг давлат ижрочилари учун “Ижро ҳужжатларини ижро этишда қонунийликни таъминлаш масалалари” мавзусида масофавий малака ошириш курси ташкил этилди.

Ушбу курс махсус дастур асосида ташкил этилган бўлиб, давлат ижрочиларининг ижрога келиб тушган барча турдаги ижро ҳужжатларини ижро этиш, сифатли процессуал ҳужжатларни тайёрлаш, хизматдаги конфликтларни бартараф этиш, Бюро органларида фойдаланиладиган ахборот тизимлари ва дастурий комплекслар билан ишлашга доир профессионал кўникмаларини мустаҳкамлашга қаратилган.

Курс дастурида шунингдек давлат ижрочилари томонидан касб одобномаси қоидаларига риоя қилиш ҳамда психология ва вақтни бошқариш (тайм-менежмент) борасидаги кўникмаларни такомиллаштириш масалалари назарда тутилган.

Ўқув курси якуни бўйича синов имтиҳонлари ўтказиш ва тингловчиларга малака оширганлик тўғрисида сертификатлар топшириш режалаштирилган.