Ўзбекистон Республикасининг жиноий фаолиятдан олинган даромадларни легаллаштиришга ва терроризмни молиялаштиришга қарши курашиш миллий тизимини ўзаро баҳолашнинг иккинчи босқичига тайёргарлик масалалари муҳокама қилинди

Жорий йилнинг 15 сентябрь куни Академия томонидан Иқтисодий жиноятларга қарши курашиш департаменти билан ҳамкорликда “Жиноий фаолиятдан олинган даромадларни легаллаштириш ва терроризмни молиялаштиришга карши курашишнинг долзарб масалалари” мавзусида видеоконференцалоқа режимида давра суҳбати ўтказилди.

Тадбирда халқаро экспертлар В.Нечаев ва С.Расулов, 100дан ортиқ ҳуқуқни муҳофаза қилувчи, мувофиқлаштирувчи ва лицензияловчи органларининг ходимлари, хусусий сектор вакиллари ҳамда Академиянинг профессор-ўқитувчилари ва тингловчилари иштирок этишди.

Учрашув давомида жиноий фаолиятдан олинган даромадларни легаллаштиришга ва терроризмни молиялаштиришга қарши курашишда хавфларни соҳавий баҳолаш доирасида маълумотларни йиғиш ва таҳлил қилиш тартиб-таомиллари, хавфларни миллий даражада баҳолаш учун давлат органлари, хусусий сектор ва молиявий разведка бўлинмалари ўртасида маълумотлар алмашинуви, Ўзбекистон Республикасида Хавфларни миллий даражада баҳолашни ўтказиш услубиятининг хусусиятлари ва талаблари, халқаро эксперт-баҳоловчилар гуруҳи билан учрашув ва музокаралар олиб бориш бўйича вужудга келиши мумкин бўлган сценарийлар кўриб чиқилди.

Иштирокчилар шу каби тадбирларни ўтказишни давом этиш лозимлиги ҳақида фикр билдиришди.