Ўзбекистон Республикасининг жиноий фаолиятдан олинган даромадларни легаллаштиришга ва терроризмни молиялаштиришга қарши курашиш миллий тизимини ўзаро баҳолашнинг иккинчи босқичига тайёргарликнинг давоми

2020 йил 6 октябрь куни Академия Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти билан ҳамкорликда ЕХҲТнинг Ўзбекистондаги лойиҳалар координатори офиси кўмагида “Жиноий фаолиятдан олинган даромадларни легаллаштириш ва терроризмни молиялаштиришга карши курашишнинг айрим масалалари” мавзусида видеоконференцалоқа режимида давра суҳбати ўтказилди.

Тадбирда халқаро экспертлар, Марказий банк, тижорат банклари, Департамент ва Академия  вакиллари иштирок этишди.

Учрашув давомида жиноий фаолиятдан олинган даромадларни легаллаштиришга ва терроризмни молиялаштиришга қарши курашишда асосий хавфлар, хавфларни миллий даражада баҳолаш натижалари, халқаро эксперт-баҳоловчилар гуруҳи билан учрашув ва музокаралар олиб бориш бўйича вужудга келиши мумкин бўлган сценарийлар ва бошқа масалалар муҳокама қилинди.