Вояга етмаганлар ҳуқуқларининг ҳимояси масалалари юзасидан тўплам тайёрланди

Вояга етмаганлар ўртасида қонунларга риоя этилиши устидан назоратни амалга ошириш, уларнинг ҳуқуқлари ва эркинларини ишончли ҳимоя қилиш, қонуний манфаатларини рўёбга чиқаришда қонунийликни таъминлаш доимо прокуратура органлари эътиборида бўлиб келган масаладир.

Ота-оналар томонидан фарзандларни улар вояга етгунга қадар таъминлаш, шу жумладан алимент ундириш бўйича мажбуриятларини таъминлашга қаратилган қонун ҳужжатларига риоя қилиш соҳасидаги вояга етмаганларнинг ҳуқуқларини ҳимоя қилиш бугунги кунда алоҳида долзарб аҳамиятга эга.

Прокуратура органлари фаолиятига услубий кўмаклашиш ишлари доирасида ҳамда ижобий тажрибани хизмат фаолиятида қўллаш мақсадида Бош прокуратура Академияси Тошкент шаҳар Миробод тумани прокуратураси билан биргаликда “Вояга етмаган болалар таъминоти учун алимент ундириш” тўпламини тайёрлади.

Мазкур тўпламда Миробод тумани прокуратураси фаолиятидан мисоллар, асосий норматив-ҳуқуқий ҳужжатлардан кўчирмалар, шунингдек, ушбу соҳадаги прокурор назорати ҳужжатлари ўрин олган бўлиб, вояга етмаган болаларни таъминлаш учун алимент ундириш борасидаги ишлар ва прокуратура органларининг ушбу соҳадаги назорат фаолияти самарадорлигини оширишга хизмат қилади.

Нашр фойдаланиш учун ҳудудлардаги прокуратура органларига юборилди.