Барқарор ривожланишнинг миллий мақсад ва вазифаларни амалга оширилиши юзасидан ишчи йиғилишлар

Бош прокуратура Академияси томонидан Барқарор ривожланиш мақсадларининг “Самарали бошқарув” экспертлар гуруҳининг ишчи органи сифатида гуруҳ таркибидаги давлат органлари ва БМТнинг
БРМ индикаторларига масъул ташкилотлари, жамғармалари ва агентликлари вакиллари иштирокида ишчи учрашувлар ҳафталиги ташкил этилди.

Хусусан, биринчи учрашувда Узбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати вакиллари билан БРМнинг 3.6.1 индикатори, яъни йўл-транспорт ҳодисаси натижасидаги ўлим коэффициентини камайтириш бўйича амалга оширилган ишлар муҳокама қилинди.

Шунингдек, Ички ишлар вазирлиги томонидан йўл-транспорт ҳодисаси натижасида юзага келган ўлим ҳолатлари тўғрисида эълон қилинган статистика ва Жаҳон соғлиқни сақлаш ташкилотининг ҳисоботида келтирилган рақамлардаги тафовутлар ва бунга сабаб бўлган омиллар бўйича фикр алмашинилди.

БМТ агентликлари вакиллари мазкур индикаторлар бўйича амалга оширилаётган лойиҳалар бўйича ахборот берди.

Учрашув якунида иштирокчилар мазкур йўналишдаги ишларни мувофиқлаштирган ҳолда ташкил қилиш кераклигини таъкидлаб, келгусида ҳамкорликни янада кучайтиришга келишиб олди.