Раҳбарлик лавозимларини эгаллаш учун захирада турган кадрларни касбий қайта тайёрлаш курси якунланди

Ўзбекистон Республикаси Бош прокуратураси Академиясида прокуратура органларида раҳбарлик лавозимларини эгаллаш учун захирада турган кадрларни касбий қайта тайёрлаш курси якунланди.

Курс дастури прокурор-тергов ва таҳлилий ишларни юритиш, норма ижодкорлиги фаолиятида иштирок этиш юзасидан касбий билим ҳамда кўникмаларни чуқурлаштиришга, шунингдек, ишни ташкил этишнинг инновацион шакллари ва методларини ҳамда бошқарув асосларини ўзлаштиришга йўналтирилган.

Ушбу қайта тайёрлаш курси ҳам мазмунан, ҳам илмий-методик жиҳатдан янгича ёндашувлар асосида, илғор педагогик ва ахборот технологияларидан, хорижий инновацион тажрибалардан фойдаланган ҳолда ташкил этилди.

Ўқув жараёнида профессор-ўқитувчилар билан бир қаторда миллий ва хорижий экспертлар, Парламент, вазирликлар, идоралар, илмий, таълим муассасалари ва жамоат ташкилотлари вакиллари иштирок этдилар.

Курс давомида танланган долзарб мавзулар асосида тингловчилар томонидан тадқиқот ишлари олиб борилиб, уларнинг асосий натижалари курс якунида имтиҳон комиссияси ҳузурида ҳимояга олиб чиқилди.