Академия вакилларини жиноий фаолиятдан олинган даромадларни легаллаштириш ва терроризмни молиялаштириш хавфларини минтақавий даражада баҳолашда иштироки

Академия ходимлари жиноий фаолиятдан олинган даромадларни легаллаштириш ва терроризмни молиялаштириш хавфларини минтақавий даражада баҳолаш бўйича лойиҳа гуруҳининг ишчи учрашувида иштирок этди.

Жиноий фаолиятдан олинган даромадларни легаллаштириш ва терроризмни молиялаштириш бўйича хавфларни минтақавий даражада баҳолаш ва уларни камайтириш бўйича тавсиялар ишлаб чиқиш Жиноий даромадларни легаллаштиришга ва терроризмни молиялаштиришга қарши курашиш бўйича Евросиё гуруҳининг 30-ялпи мажлисида тасдиқланган 2019-2023 йилларга мўлжалланган Евросиё гуруҳи Стратегиясининг йўналишларидан бири ҳисобланади.

Баҳолашни амалга ошириш учун Беларус, Қирғизистон, Тожикистон, Туркманистон, Ўзбекистон экспертлари ва Евроосиё гуруҳи Котибияти ходимларидан иборат лойиҳа гуруҳи шакллантирилган.

Лойиҳа гуруҳи таркибига Ўзбекистондан Бош прокуратура, Иқтисодий жиноятларга қарши курашиш департаменти ва Ички ишлар вазирлиги вакиллари кирган.

Лойиҳа гуруҳининг учрашувида тақдим этилган саволномаларни тўлдиришнинг ўзига хос-хусусиятлари, маълумот йиғиш учун жойига чиқиб учрашувлар ўтказиш шакли ва режалаштирилаётган тадбирларни амалга ошириш бўйича навбатдаги қадамлар муҳокама қилинди.