Диссертация ҳимояси бўлиб ўтди

Бош прокуратура Академияси ҳузуридаги Илмий кенгашнинг навбатдаги йиғилишида Академия мустақил изланувчиси О.С.Султоновнниг “12.00.07 – Суд ҳокимияти. Прокурор назорати. Ҳуқуқни муҳофаза қилувчи органлар фаолиятини ташкил этиш. Адвокатура” ихтисослиги бўйича “Дастлабки тергов органларининг профилактик фаолиятини такомиллаштириш”  мавзусида юридик фанлар бўйича фалсафа доктори (PhD) илмий даражасини олиш учун тайёрлаган диссертациясининг ҳимояси бўлиб ўтди.

Мазкур тадқиқот доирасида дастлабки тергов органлари профилактик фаолиятининг моҳияти ва ижтимоий зарурияти, профилактик фаолиятни амалга оширилиши бўйича халқаро стандартлар, дастлабки тергов органларининг профилактик фаолиятини амалга ошириш шакллари ва услублари, процессуал ва криминалистик жиҳатлари ўрганилган.

Диссертацияда хорижий давлатларнинг илғор тажрибаси асосида дастлабки тергов органлари ҳамда миллий қонунчиликни такомиллаштириш бўйича таклифлар илгари сурилган.

Диссертация ҳимояси натижасига кўра, Кенгаш аъзолари томонидан тадқиқотчи юридик фанлар бўйича фалсафа доктори (PhD) илмий даражасини олиш учун лойиқ деб топилди.

Академия жамоаси Ойбек Султоновни диссертацияни муваффақиятли ҳимоя қилганлиги билан табриклайди ва келгусидаги илмий ва касбий фаолиятида улкан зафарлар тилайди!