“Инсон ҳуқуқлари ҳафталиги” доирасидаги ўқув курси

Президентимизнинг 2023 йил 7 февралдаги қарори билан тасдиқланган Ўзбекистон Республикасида Инсон ҳуқуқлари соҳасидаги Миллий таълим дастури асосида Инсон ҳуқуқлари бўйича Ўзбекистон Республикаси Миллий маркази ташаббуси билан Бош прокуратура ҳамда Ички ишлар вазирлиги ҳамкорлигида “Инсон ҳуқуқлари ҳафталиги” доирасида “Қийноққа солишга қарши курашиш: халқаро амалиёт ва миллий тажриба” мавзусида ўқув курси ўтказилди.

Курс ўқув машғулотларига Ҳуқуқни муҳофаза қилиш академияси, Ички ишлар вазирлиги Академияси ва Малака ошириш институти вакиллари, шунингдек, Қорақалпоғистон Республикаси, вилоятлар ва Тошкент шаҳар ички ишлар органлари ходимлари жалб қилинди.

Мазкур курс доирасида Фарғона вилоятидаги тингловчилар учун Ҳуқуқни муҳофаза қилиш академияси бошлиғининг ўринбосари, ю.ф.д., проф. М.Мамасиддиқов томонидан “Қийноққа солиш билан боғлиқ қилмишлар содир этилишининг олдини олишга оид қонунчиликнинг ривожланиши” мавзусида ўқув машғулоти ўтказилди.

Тингловчилар қийноққа солиш билан боғлиқ қилмишлар содир этилишининг олдини олишга оид қонунчиликдаги янгиликлар ҳақида тўлиқ маълумот олиш имконига эга бўлдилар.