“Ҳуқуқни муҳофаза қилувчи органларда аёлларнинг ўрни” мавзусида давра суҳбати ўтказилди

2023 йил 16 март куни Ҳуқуқни муҳофаза қилиш академиясида талаба-қизлар билан “Ҳуқуқни муҳофаза қилувчи органларда аёлларни ўрни” мавзусида Ўзбекистон Республикаси Ички ишлар вазирлиги ва Миллий гвардияси тизимларида хизмат қилиб келаётган тажрибали ҳарбий хизматчи ва ходима аёл офицерлар иштирокида давра суҳбати ўтказилди.

Мазкур тадбир талаба-қизларнинг касбий тайёргарлиги бўйича билим, кўникма ва малакаларини шакллантириш ва ривожлантириш, келгуси хизмат фаолиятига тайёрлаш ҳамда хизматга бўлган қизиқишларини орттириш, ўз касбига бўлган иштиёқини ошириш мақсадида ташкиллаштирилди.

Тадбир давомида меҳмонлар Ички ишлар вазирлиги ва Миллий гвардия тизимларда амалга оширилаётган ислоҳотлар, хизмат фаолиятини белгилаб берувчи норматив-ҳуқуқий ва идоравий ҳужжатларнинг мазмун-моҳиятини тушинтириш билан бир қаторда, ўзларининг хизмат фаолиятлари давомидаги таассуротлари ҳамда босиб ўтган ҳаётий тажрибалари билан ўртоқлашдилар.

Очиқ мулоқот тарзида ўтказилган давра суҳбатида талабалар ўзларини қизиқтирган саволларга атрофлича жавоб олдилар.

Бу каби учрашувлар талабаларнинг ўз касби билан фахрланиш, уларда масъулият ва садоқат туйғуларини шакллантиришга хизмат қилади ҳамда келгусида масъулиятли ва шарафли касб соҳибалари бўлишларида муҳим ўрин тутади.