Диссертация ҳимояси бўлиб ўтди

Ўзбекистон Республикаси Ҳуқуқни муҳофаза қилиш академияси ҳузуридаги Илмий кенгашнинг навбатдаги йиғилишида Академия мустақил изланувчиси М.З.Раджапованинг “12.00.09 – Жиноят процесси. Криминалистика, тезкор-қидирув ҳуқуқи ва суд экспертизаси” ихтисослиги бўйича “Жиноят ишларининг юқори суд инстанцияларида кўрилишида прокурор функциялари ва ваколатларини такомиллаштириш: қиёсий-ҳуқуқий таҳлил” мавзусида юридик фанлар бўйича фалсафа доктори (PhD) илмий даражасини олиш учун тайёрлаган диссертациясининг ҳимояси бўлиб ўтди.

Тадқиқот доирасида жиноят ишлари бўйича юқори судларда прокурор иштирокининг самарадорлиги, унинг ҳуқуқий мақоми, прокурорнинг процессуал фаолияти билан боғлиқ халқаро стандартлар ва хорижий давлатлар қонунчилигини таҳлиллар асосида қиёсий-ҳуқуқий жиҳатдан ўрганилиб, миллий қонунчилик ҳамда ҳуқуқни қўллаш амалиётини такомиллаштиришга қаратилган таклифлар илгари сурилган.

Диссертация ҳимояси натижасига кўра, Кенгаш аъзолари томонидан тадқиқотчи юридик фанлар бўйича фалсафа доктори (PhD) илмий даражасини олиш учун лойиқ деб топилди.

Академия жамоаси Муҳтарам Раджаповани диссертацияни муваффақиятли ҳимоя қилганлиги билан табриклайди ва келгусидаги илмий ва касбий фаолиятида улкан зафарлар тилайди!