Магистратура тингловчилари учун якуний давлат аттестация ўтказилди

Ўзбекистон Республикаси Ҳуқуқни муҳофаза қилиш академиясида “Прокурорлик фаолияти”, “Тергов фаолияти”, “Коррупцияга қарши кураш”, “Инсон ҳуқуқларига оид халқаро ҳуқуқ” мутахассисликлари магистрантлари учун якуний давлат аттестацияси ўтказилди.

Якуний давлат аттестацияси магистратура таълим дастурининг мажбурий қисми ҳисобланиб, бунда тингловчилар томонидан тайёрланган магистрлик  диссертациялари ҳимояси назарда тутилади.

Жорий йилнинг 24-27 июль кунлари ўтказилган Якуний давлат аттестациясига Ўзбекистон Республикасининг Коррупцияга қарши курашиш агентлиги директори ўринбосари¸ ю.ф.д. профессор У.Тухташева раислик этди, шунингдек комиссияга Инсон ҳуқуқлари бўйича Ўзбекистон Республикаси Миллий маркази директори ўринбосари, Бош прокуратуранинг тажрибали амалиётчи ходимлари, Академия ва бошқа ҳамкор олий таълим муассасаларининг профессор-ўқитувчилари жалб этилди.

Тингловчилар ўқув йили давомида ўзлаштирган билимлари ҳамда амалиёт жараёнида ҳуқуқни қўллаш амалиётидаги муаммоли вазиятлар асосида тайёрлаган магистрлик диссертацияларини ҳимоя қилиш жараёнида соҳа мутахассислари томонидан берилган саволларга чуқур таҳлилларга асосланган жавоб бердилар.