Коррупцияга қарши курашиш агентлигида семинар ташкил этилди

Ўзбекистон Республикаси Президентининг 2020 йил 29 июндаги ПФ-6013-сон Фармонига биноан Коррупцияга қарши курашиш агентлигига биринчи марта ишга қабул қилинадиган ходимлар Ҳуқуқни муҳофаза қилиш академиясида коррупциянинг олдини олиш ва унга қарши курашишнинг назарий ва амалий масалалари, хорижий тажриба ва халқаро стандартларни ўрганишни қамраб олувчи махсус ўқув дастурлари бўйича таълим олиши белгиланган.

Фармонда белгиланган вазифаларни амалга ошириш мақсадида Академия томонидан “Коррупциянинг олдини олиш ва унга қарши курашиш бўйича миллий ва халқаро стандартлар ҳамда хорижий тажриба” мавзусидаги махсус курс ишлаб чиқилди.

Мазкур масофавий шаклда ўтказиладиган махсус курсни бошлашдан аввал Коррупцияга қарши курашиш агентлигида семинар ташкил этилиб, янги ишга қабул қилинган ходимлар учун курснинг аҳамияти, уни муваффавиятли ва самарали ўтказиш билан боғлиқ масалалар ҳамда Академиянинг онлайн ўқув портали ҳақида тушунтиришлар берилди.

Тадбир Агентликнинг кадрлар билан ишлаш тармоғи раҳбари З.Бойсинов, Академиянинг бўлим бошлиғи А.Ибраймов ва Марказ бошлиғи Х.Турсунбеков томонидан олиб борилди.

Семинар давомида Агентлик ходимлари ташкил этиладиган махсус курс ҳамда Академия томонидан республикада давлат хизматчилари учун коррупцияга қарши курашиш мавзуларида ўтказилаётган малака ошириш курслари бўйича берган саволларига батафсил жавоб олишди.