Гиёҳванд моддалар ноқонуний айланмасинининг олдини олиш ва ноқонуний молиявий оқимлар ҳажмини аниқлаш масалалари бўйича учрашув

Ҳуқуқни муҳофаза қилиш академиясида Гиёҳванд моддалар ва жиноятчилик билан боғлиқ трансмиллий таҳдидларни ўрганиш ва тадқиқот қилиш бўйича БМТ ГЖБ ахборот маркази Раҳбари Саломе Флорес Сьерра Франзони ҳамда БМТ ГЖБ Осиё ва Тинч океани минтақасида жиноятчилик ва одил судлов статистикаcи бўйича мукаммаллик маркази методология ходими Давид Ричард Раваух билан гибрид тарзида учрашув ўтказилди.

Учрашувда Академиянинг раҳбарияти ва ходимлари, ҳуқуқни муҳофаза қилиш идоралари, Соғлиқни сақлаш вазирлиги тизими вакиллари иштирок этишди.

Тадбир давомида Ўзбекистон Республикаси вакиллари Осиё–Тинч океани минтақаси ва Лотин Америкаси мамлакатларининг гиёҳванд моддалар савдосидан келиб чиқадиган ноқонуний молиявий оқимлар хажмини ўлчаш бўйича тажрибаси билан танишдилар.

Учрашув якунида томонлар Ўзбекистонда гиёҳванд моддалар ноқонуний айланмасининг олдини олиш ва унга қарши курашиш соҳасида қўшма тадқиқотлар ўтказиш, мазкур соҳадаги молиявий оқимларни аниқлаш ва тегишли чоралар кўриш борасида ҳамкорлик қилиш юзасидан келишиб олинди.