Учрашувда коррупциянинг олдини олиш ва унга қарши курашиш соҳасида халқаро ҳамкорликни ривожлантириш, тажриба алмашиш, шунингдек, қўшма таълим ва илмий-тадқиқот лойиҳаларини амалга ошириш масалалари муҳокама қилинди.

Шунингдек, томонлар коррупциянинг олдини олиш ва унга қарши курашишнинг замонавий ёндашувлари ҳамда самарали воситалари юзасидан фикр алмашдилар.

Anti-Bribery Committee Japan (ABCJ) мустақил экспертлар бирлашмаси сифатида коррупциянинг олдини олиш механизмларини такомиллаштириш, корпоратив антикоррупция тизимларини ривожлантириш ҳамда халқаро ҳамкорлик шароитида бизнес субъектларининг масъулиятини оширишга қаратилган фаолиятни амалга оширади.

Anti-Bribery Committee Japan делегацияси вакилларига Ҳуқуқни муҳофаза қилиш академиясининг коррупцияга қарши курашиш соҳасидаги фаолияти, жумладан, аҳоли ва давлат хизматчиларининг ҳуқуқий маданиятини ошириш, комплаенс тизимларини ривожлантириш, шунингдек, Коррупцияга қарши курашиш виртуал академияси электрон платформасининг фаолияти ҳақида маълумот берилди.

Учрашув якунида томонлар коррупцияга қарши курашиш соҳасида ҳамкорликни янада ривожлантириш, тажриба алмашиш ва қўшма ташаббусларни амалга оширишдан манфаатдор эканликларини билдирдилар.