Ҳуқуқни муҳофаза қилиш академиясида олий таълимдан кейинги таълимда таҳсил олаётган таянч докторантлар ва докторантларнинг илмий-тадқиқот ишлари жорий ҳолати, шахсий иш режалари ижроси, илмий изланишлар натижадорлиги ҳамда диссертация ишларини тайёрлаш жараёни ўрганилди.

Мониторинг давомида илмий раҳбарлар ва тармоқ раҳбарлари томонидан тақдим этилган ҳисоботлар тингланиб, ҳар бир тадқиқотчининг фаолияти баҳоланди. Мавжуд вазифалар муҳокама қилиниб, кейинги давр учун режалар белгилаб олинди.

Мониторинг Ўзбекистон Республикаси Президентининг 2022 йил 28 ноябрдаги ПФ–257-сон Фармони, Вазирлар Маҳкамасининг 2017 йил 22 майдаги 304-сон ва 2023 йил 6 апрелдаги 143-сон қарорлари ҳамда бошқа топшириқлар ижросини таъминлаш мақсадида ўтказилди.

Шунингдек, илмий-тадқиқот ишларини самарали ташкил этиш, шахсий иш режалари ижросини таъминлаш ва илмий натижадорликни ошириш юзасидан тегишли тавсиялар берилди.

Мазкур мониторинг Академияда илмий кадрлар тайёрлаш тизимини такомиллаштириш, ёш олимларнинг илмий салоҳиятини ривожлантириш ҳамда замонавий талабларга жавоб берадиган тадқиқотларни қўллаб-қувватлаш самарадорлигини оширишга хизмат қилади.