Ўзбекистон Республикаси Ҳуқуқни муҳофаза қилиш академияси бошлиғининг ўринбосари А. Одинаев ҳамда профессор-ўқитувчилардан иборат ишчи гуруҳ 6 октябрь куни Тошкент вилояти Ангрен шаҳридаги «Бўстон» маҳалласида криминоген вазиятни ўрганди. Асосий эътибор ҳудудга хос хавф омиллари, ҳуқуқбузарликларнинг келиб чиқиш сабаблари ва уларга имкон бераётган шарт-шароитларга қаратилди.

Ўрганиш Ўзбекистон Республикаси Президентининг 2025 йил 3 январдаги ПҚ–1-сон қарори ижроси юзасидан Академия томонидан Олмалиқ ва Ангрен шаҳарларида олиб борилаётган комплекс илмий-амалий тадқиқотлар доирасида ўтказилди. Мазкур ишлар маҳаллаларда хавфсиз муҳитни шакллантириш ва ҳуқуқбузарликларнинг барвақт олдини олишга қаратилган.

Ишчи гуруҳ маҳалладаги криминоген омиллар ва ҳуқуқбузарликлар динамикасини таҳлил қилди. Ўрганиш натижалари асосида аниқланган сабаб ва шарт-шароитларни бартараф этиш ҳамда профилактика чораларининг самарадорлигини ошириш бўйича илмий асосланган, манзилли тавсиялар ишлаб чиқилди.

Ушбу ишлар доирасида «маҳалла еттилиги» аъзоларининг малакасини ошириш учун амалий ўқув-семинарлар ҳам ташкил этилмоқда. Шу билан бирга, ишлаб чиқилган тавсияларни амалиётга татбиқ этиш ва кўрилаётган профилактика чораларининг натижадорлигини баҳолаб бориш чоралари кўрилмоқда.