Ўзбекистон Республикаси Ҳуқуқни муҳофаза қилиш академиясида АҚШ Давлат департаментининг Халқаро гиёҳвандликка қарши курашиш ва ҳуқуқни муҳофаза қилиш бюроси (INL)нинг Ўзбекистондаги янги тайинланган вакили Ж. Уидон билан танишув учрашуви бўлиб ўтди.

Учрашувда меҳмонга Академиянинг асосий фаолият йўналишлари, ташкилий тузилмаси ҳамда прокуратура ва тергов органлари ходимларини тайёрлаш, қайта тайёрлаш ва малакасини ошириш тизими ҳақида маълумот берилди.

Томонлар ҳамкорликда амалга оширилган лойиҳалар натижаларини кўриб чиқдилар. Келгусидаги режалар доирасида қўшма лойиҳаларни амалга ошириш ва ҳуқуқни муҳофаза қилувчи органлар ходимларининг касбий билим ва кўникмаларини ривожлантиришга қаратилган ўқув дастурларини йўлга қўйиш масалалари муҳокама қилинди.

Академияни ҳуқуқни муҳофаза қилувчи органлар салоҳиятини ошириш бўйича хабга айлантиришга қаратилган EDIROL ташаббуси ҳам кўриб чиқилди.

Учрашув якунида томонлар муҳокама қилинган масалалар бўйича аниқ вазифаларни белгилаб, уларни амалга оширишнинг навбатдаги қадамларини келишиб олдилар.