Ўзбекистон Республикаси Ҳуқуқни муҳофаза қилиш академиясида БМТнинг Жиноятчилик ва одил судлов масалалари бўйича минтақалараро илмий-тадқиқот институти (UNICRI) вакиллари билан учрашув бўлиб ўтди. Унда «CONTACT – Марказий Осиё» лойиҳаси доирасида амалга оширилган ишлар ва келгуси режалар кўриб чиқилди.

Меҳмонларга Академиянинг асосий фаолият йўналишлари, ташкилий тузилмаси ҳамда прокуратура ва тергов органлари ходимларини тайёрлаш, қайта тайёрлаш ва малакасини ошириш тизими ҳақида маълумот берилди.

Муҳокамада радиологик ва ядровий материалларнинг ноқонуний айланишининг олдини олиш ва унга қарши курашиш соҳасида мутахассислар салоҳиятини оширишга эътибор қаратилди. Томонлар мазкур йўналишда қўшма лойиҳаларни амалга ошириш ва тажриба алмашиш имкониятларини муҳокама қилдилар.

Учрашув якунида Академия ва UNICRI вакиллари ўзаро ҳамкорликни янада ривожлантириш ҳамда қўшма ташаббусларни амалга оширишдан манфаатдор эканликларини билдирдилар.