Евроосиё гуруҳи эксперт-баҳоловчилари ташрифи

Жиноий фаолиятдан олинган даромадларни легаллаштириш ва терроризмни молиялаштиришга қарши курашиш бўйича Евроосиё гуруҳи томонидан Ўзбекистон Республикасининг жиноий фаолиятдан олинган даромадларни легаллаштириш, терроризмни молиялаштириш ва оммавий қирғин қуролини тарқатишни молиялаштиришга қарши курашиш миллий тизимини баҳолаш жараёни доирасида жорий йилнинг 17 ва 21 июнь кунлари Бош прокуратура Академиясида Бош прокуратура вакиллари ва эксперт-баҳоловчиларнинг учрашувлари бўлиб ўтди.

Учрашувларда прокуратура органлари томонидан Жиноий фаолиятдан олинган даромадларни легаллаштиришга қарши курашиш бўйича молиявий чоралар ишлаб чиқувчи гуруҳнинг (ФАТФ) тавсиялари бўйича амалга оширилган ишлар муҳокама қилинди.

Хусусан, миссиясига тайёргарлик кўриш жараёнида “Терговга қадар текширув, суриштирув, дастлабки тергов ва тезкор-қидирув фаолиятини амалга оширишда аниқланган крипто-активларни хатлаш, уларни сақлаш ҳамда мусодара қилиш тартибини тасдиқлаш тўғрисида”ги Қўшма қарор ҳамда “Тезкор-қидирув, терговга қадар текширув, суриштирув ва дастлабки тергов фаолиятини амалга ошириш жараёнида жиноий фаолиятнинг молиявий жиҳатларини ўрганиш тартиби тўғрисида”ги Қўшма кўрсатма қабул қилинганлиги ҳақида ахборот берилди.

Ташриф дастурига мувофиқ, эксперт-баҳоловчиларнинг Ўзбекистон Республикаси вакиллари билан асосий учрашув жойи этиб Бош прокуратура Академияси белгиланган.