Япония Aдлия вазирлиги билан жиноятчилик аҳволини тизимли ўрганиш йўналишидаги қўшма лойиҳа давом эттирилди

Жорий йилнинг 25 август куни жиноятчилик ҳолатини узлуксиз мониторинг қилиш салоҳиятини мустаҳкамлаш борасида Япония Aдлия вазирлиги ва Ўзбекистон Республикаси Бош прокуратураси Академияси қўшма ишчи гуруҳининг навбатдаги онлайн учрашуви бўлиб ўтди

Учрашув давомида Япония томони жиноятларнинг турлари бўйича статистик маълумотларни классификация қилиш тартиби тўғрисида маълумот берди. Жумладан, прокуратура органлари томонидан тергов амалга ошириладиган жиноятлар таҳлили методологияси муҳокама қилинди.

Ўз навбатида, Бош прокуратура Академияси томонидан содир этилган жиноятларнинг махаллабай услубида таҳлилининг Академия томонидан ойлик чоп этиладиган дайджестда акс эттирилиши бўйича маълумот берилди.

Учрашувда иштирок этган Бирлашган миллатлар ташкилотининг Осиё ва Узоқ Шарқдаги жиноятчиликнинг олдини олиш ва ҳуқуқбузарлар билан ишлаш институти (UNAFEI) нинг директори ўринбосари жаноб Моринага Ўзбекистон Республикаси Бош прокуратураси Академияси томонидан ўтказилаётган тадқиқотларни юқори баҳолади.

Томонлар келгуси йил бошида Тошкент ҳамда Токиога ташриф алмашинуви юзасидан келишиб олишди.