Huquqni muhofaza qilish akademiyasi ISO 37001:2025 xalqaro standartini joriy etish loyihasini boshladi

O‘zbekiston Respublikasi Huquqni muhofaza qilish akademiyasida ISO 37001:2025 xalqaro standarti talablariga muvofiq pora olishga qarshi kurashish boshqaruv tizimini joriy etish bo‘yicha yirik loyiha start oldi. Mazkur loyiha ALFAKON SYSTEMS kompaniyasining metodologik va texnik ko‘magi bilan amalga oshirilmoqda.

Tadbir Yevropa Ittifoqi va Germaniya Federal iqtisodiy hamkorlik va taraqqiyot vazirligi (BMZ)ning moliyaviy ko‘magida GIZ Germaniya xalqaro hamkorlik jamiyati bilan hamkorlikda amalga oshirilayotgan “O‘zbekistonda Davlat boshqaruvini takomillashtirish: Korrupsiyani inklyuziv qamrovda oldini olish” loyihasi doirasida tashkil etildi.

Loyihaning maqsadi – korrupsiyaviy xatarlarni oldini olish bo‘yicha kompleks tizim yaratish, boshqaruv va o‘quv jarayonlarining shaffofligini oshirish, Akademiyaning ishbilarmonlik obro‘sini mustahkamlash, shuningdek, milliy va xalqaro antikorrupsiya komplayens talablariga muvofiq bo‘lishdir.

Loyiha doirasida quyidagilar amalga oshiriladi: mavjud jarayonlarni kompleks baholash; antikorrupsiya siyosati va nizomlarini ishlab chiqish va joriy etish; barcha darajadagi xodimlarni o‘qitish; ichki auditni tayyorlash va o‘tkazish; tashqi sertifikatlashtirish jarayonini qo‘llab-quvvatlash.

Kutilmoqdaki, loyiha yakunlariga ko‘ra, Akademiya ISO 37001 xalqaro standartining barcha talablari muvofiqligiga erishadi va xodimlarning kamida 80 %ini o‘qitish va antikorrupsiya madaniyatini shakllantirish jarayoniga jalb etadi.

ISO 37001 standartini, jumladan, kelgusida huquqni muhofaza qiluvchi organlar xodimlarini tayyorlashga yo‘naltirilgan ta’lim muhitiga joriy etish strategik ahamiyatga ega. U faqatgina rasmiy nizomlar bilan cheklanib qolmay, korrupsiyaga nisbatan mutlaq toqatsizlik madaniyatini shakllantirishga xizmat qiladi va bu madaniyat Akademiya bitiruvchilari tomonidan ularning professional faoliyatida tatbiq etiladi.

Mazkur qadam Akademiyaning huquqni muhofaza qilish sohasi uchun kadrlar tayyorlash tizimida barqaror antikorrupsiya madaniyatini shakllantirish bo‘yicha strategik kursining bir qismi hisoblanadi.