ANONS Xalqaro ilmiy-amaliy konferensiya o‘tkazilishi haqida

2023 yil 1-2 dekabr kunlari O‘zbekiston Respublikasi Huquqni muhofaza qilish akademiyasi tashkil etilganining bir yilligi munosabati bilan “Huquqni muhofaza qilish sohasida yuridik ta’lim va fan: zamonaviy tendensiyalar va istiqbollar” mavzusida xalqaro konferensiya bo‘lib o‘tadi.

Konferensiya Huquqni muhofaza qilish akademiyasi tomonidan «Mintaqaviy muloqot» XNNT, GIZ, Yevropa Kengashi, YEXHT, UNODS, IRZ va boshqa xalqaro tashkilotlar ko‘magida tashkil etildi.

Tadbirda fan va ta’lim sohasidagi 40 dan ortiq xorijiy va milliy ekspertlar, 20 ta davlatdan sohaviy muassasalar rahbarlari hamda mutaxassislari, shuningdek 10 ta xalqaro tashkilot vakillari ishtirok etishi kutilmoqda.

Konferensiya dasturida “Huquqni muhofaza qilish sohasida yuridik fan va ta’lim: zamonaviy tendensiyalar va istiqbollar” mavzusida yalpi sessiya, shuningdek “Inson huquqlari sohasida ta’lim”, “Jinoiy daromadlarni qonuniylashtirish va korrupsiyaga qarshi kurashish sohasida xalqaro standartlarni implementatsiya qilish” hamda “Tergovchilarni o‘qitish va tayyorlash bo‘yicha zamonaviy yondashuv” mavzularida parallel sessiyalar o‘tkazilishi nazarda tutilgan.

Tadbir 2023 yil 1 dekabr kuni Toshkent vaqti bilan soat 10:00 da (UTS+05:00) HILTON mehmonxonasida (Tashkent city) bo‘lib o‘tadi.

Xalqaro ilmiy-amaliy konferensiya yakuniga ko‘ra ilmiy maqola va tezislar to‘plami nashr etilishi rejalashtirilgan.

Maqola va tezislarga qo‘yilgan talablar (havola).